Məlum olduğu kimi, “Youtube” platformasında paylaşılan videolar baxış sayına və digər göstəricilərə əsasən videonun paylaşıldığı səhifənin sahibinə müəyyən məbləğdə pul qazandırır.
Yeniavaz.com “Youtube”da abunəçi və baxış sayını, həmçinin kanalların təxmini gəlirlərini hesablayan araşdırma şirkətlərinə istinadən xəbər verir ki, paylaşdıqları videolara görə daha çox pul qazananlar arasında azərbaycanlı müğənnilər də ilk sıralarda yer alırlar.
Qeyd edək ki, hazırda “Youtube”da paylaşdığı videolara görə ən çox pul qazanan müğənni Üzeyir Mehdizadədir. Üzeyir Mehdizadənin “Uzeyir Mehdizade Official” adlı “Youtube” kanalının 2,44 milyon abunəçisi var. İndiyə kimi bu kanalda 336 video paylaşılıb və bu videolara ümumilikdə 1 milyard 293 milyon 536 min 853 baxış olub. “Uzeyir Mehdizade Official” adlı bu kanalın ay ərzində maksimal qazancı 51,4 min dollar olub.
Cədvəldə paylaşdığı videolara ən çox baxış sayı olan 10 müğənninin qazandığı təxmini məbləğ göstərilib:
Qeyd edək ki, cədvəldə adları qeyd olunan müğənnilərdən Sevil və Sevinc bacıları Masallıdan, Üzeyir Mehdizadə isə Lənkərandandır.
