1992-ci il fevralın 25-dən 26-na keçən gecə Xocalı şəhəri Ermənistan silahlı qüvvələri tərəfindən toplardan və ağır artilleriyadan atəşə tutuldu.
Artıq fevralın 26-sı Xocalı tam alov altında idi. Bu səbəbdən təxminən 2500 nəfər yerli əhali ərazidəki ən yaxın azərbaycanlıların yaşayığı məntəqəyə - Ağdam rayonuna yola düşməyə məcbur oldu. Lakin həmin zaman ermənilər dinc əhalini qətlə yetirdilər.
Xocalı soyqırımı nəticəsində 613 nəfər həlak olub və 487 nəfər yaralanıb. Həlak olanlardan 63-ü uşaq, 106-sı qadın, 70-i qoca olub. Bundan əlavə, 1275 Xocalı sakini əsir götürülüb və 5379 nəfər daimi yaşayış yerlərini məcburi tərk edib. Əsir düşən 150 nəfərin taleyi isə bu günədək naməlum qalır.
