Masallıdan olan hüquqşünas Rauf Xəlilov Böyük Britaniyada vəkilliyin ən yüksək dərəcəsini (barrister) qazanaraq bu ölkədə hüquq şirkətini yaratmış ilk və yeganə azərbaycanlıdır. O, həkim-kardioloq, professor İdris Xəlilovun oğludur.
Rauf Xəlilov Masallının Bədəlan kəndində anadan olub. 2003-2006-cı illərdə London Metropolitan Universitetində bakalavr təhsili alaraq London Universiteti Kollecində magistr dərəcəsinə yiyələnib.
2007-2008-ci illərdə BPP Hüquq məktəbində peşə kursları keçib və 2008-ci ildə nüfuzlu “Harmsworth” təqaüdünü qazanıb. 2008-ci ildə “İngiltərə və Uels Vəkilliyi”nə çağırılıb və 2011-ci ildə burada ixtisas dərəcəsini alaraq İngiltərə və Uelsin müvəkkil-vəkili olub.
20 ildən artıq müddətdir ki, Böyük Britaniyada yaşayan Rauf Xəlilov hazırda "Mergul law" hüquq şirkətinin təsisçisi və rəhbəridir.
O, Azərbaycan, rus, ingilis, fars, türk, alman və polyak dillərində sərbəst danışır.
Mənbə: Hərşeyşünas
