Bəlbay kəndi Astara şəhərindən 36 km şimal-qərbdə, Vəşəru çayının sahilində, Peştəsər dağ silsiləsinin ətəyində yerləşir [1,3]. Yaşayış məntəqəsi yerli əhali tərəfindən “Balbo”, “Balbau” və ya “Balbou” kimi adlandırılır [3].
Alim Budaq Budaqovun yazdığına əsasən, kəndin adı talış dilində “kiçik qardaş” mənasını daşıyır [5]. Yazıçı Musarza Mirzəyevin fikrinə əsaslanaraq demək olar ki, kəndin bu cür adlandırılması Balabəy adlı şəxslə bağlıdır [4].
Güman olunur ki, yaşayış məntəqəsinin adı buradakı əhalinin balıqçılıqla məşğul olması ilə bağlı yaranıb. Kəndin adı ilə oxşar təlləffüz olunan və balıqçılar tərəfindən istifadə edilən balbır - suya batmamaq üçün tora bağlanan taxtalara deyilir [3].
Əhali, əsasən, əkinçilik və heyvandarlıqla məşğuldur [1]. 2009-cu ilin statistik göstəricilərinə əsasən, bu kənddə 227 nəfər yaşayıb [2].
Ədəbiyyat:
