Lənkəran şəhər İcra Hakimiyyətinin başçısı Taleh Qaraşov Aşağı Nüvədi qəsəbə və Küvənil kənd sakinləri ilə səyyar qəbul-görüş keçirib. Bu haqda məlumatı Cenublu.az bu gün 4 avqust tarixində Lənkəran ŞİH-yə istinadən verir.
Görüş zamanı icra başçısı qeyd edib ki, baş nazirin müvafiq sərəncamı ilə artıq 11 min nəfərədək Birinci Qarabağ müharibəsi əlilinə birdəfəlik ödəmələr həyata keçirilib.
Həmçinin görüş zamanı Taleh Qaraşov şəhid ailələri, qazilər və müharibə iştirakçıları ilə yaxından maraqlanıb, onların qayğı və problemlərini dinləyib, İcra hakimiyyətinin səlahiyyətləri çərçivəsində həlli mümkün olan məsələlərlə bağlı göstəriş verib. İcra hakimiyyətinin səlahiyyətlərinə aid olmayan məsələlər barədə isə aidiyyəti qurumlara rəsmi müraciət olunması və nəticəsi barədə vətəndaşlara qanunamüvafiq vaxtda və formada cavablar veriləcəyini bildirib.
