Salyan şəhərində nəsildən-nəslə ötürülən maraqlı adətlərdən biri də əksər sakinlərin səki ilə deyil, küçənin mərkəzi hissəsi ilə hərəkət etməsidir.
Şəhərin yaşlı sakinlərinin sözlərinə görə, bu ənənə qədim evlərin quruluşu ilə bağlı yaranıb. Keçmişdə evlərin pəncərələri səkilərə çox yaxın yerləşdiyindən insanlar evlərdən gələn səsləri eşitməmək və ailələrin şəxsi həyatına müdaxilə etməmək üçün səkidən bir qədər aralı gəzməyə üstünlük veriblər.
Zamanla bu davranış qarşılıqlı hörmət və ədəb nümunəsi kimi qəbul olunaraq şəhərin yerli ənənələrindən birinə çevrilib.
El arasında bu gün də zarafatla "Səkini qoyub küçənin ortası ilə gedən adam görsəniz, bilin ki, salyanlıdır" ifadəsi işlədilir. Sakinlərə görə, bu deyimin arxasında uzun illərin formalaşdırdığı maraqlı bir ənənə dayanır.
