Sabirabad rayonunun Şıxlar kənd sakini qeyri-adi səbəbdən DİN-in "102" Zəng Mərkəzinə müraciət edib.
Belə ki, 42 yaşlı kişi zəng edərək qardaşından şikayətçi olub. O bildirib ki, qardaşı işləməyə gedərkən onu özü ilə aparmır.
Şəxs dəfələrlə "102" xidmətinə zəng etdikdən sonra müraciəti əsasında hadisə yerinə polis əməkdaşları gəlib.
Bu zaman o, ictimai yerdə qardaşının ünvanına nalayiq ifadələr işlədib. Polis əməkdaşları onu intizama dəvət etsələr də, kişi hərəkətlərini davam etdirərək xırda xuliqanlıq əməlləri törədib.
Əməlindən peşman olduğunu bildirən şəxs İnzibati Xətalar Məcəlləsinin 535.1 və 510.1-ci maddələri ilə təqsirli bilinərək 8 sutka müddətinə inzibati qaydada həbs edilib.
Mənbə: xitab24.az
