Ötən gün axşam saatlarından başlayan qar Cəlilabad və Biləsuvar rayonlarında bir sıra fəsadlar törədib.
Cenublu.az xəbər verir ki, Cəlilabad–Yardımlı avtomobil yolunun dağlıq hissələrində yol bağlanıb, eləcə də Cəlilabad rayonunun 19-a yaxın dağlıq kəndində elektrik enerjisi verilişində fasilələr yaranıb.
Biləsuvarda isə güclü qar avtomobillərin hərəkətin çətinləşdirib, bir sıra ərazilərdə elektrik enerjisinin verilişində məhdudiyyətlər yaranıb.
Hazırda fəsadların aradan qaldırılması istiqamətində işlər aparılır.
Bölgədə qarlı hava şəraiti davam edir.
