Neftçala rayonunun Xolqarabucaq kəndində sakinlər su qıtlığından şikayətçidirlər.
Cenublu.az xəbər verir ki, vətəndaşların sözlərinə görə, kənd ərazisindən keçən, Kür çayının qolu olan Akkuşa çayına suyun verilməsində yaranan fasilələr həm gündəlik məişətə, həm də təsərrüfat işlərinə ciddi təsir göstərir.
Onlar bildirirlər ki, Akkuşa çayı kəndin əsas su mənbəyidir. Çayın suyundan məişət ehtiyacları, həyətyanı sahələrin suvarılması və mal-qaranın su təminatı üçün istifadə olunsa da, son vaxtlar kanalda suyun olmaması vəziyyəti çətinləşdirib.
Vətəndaşlar aidiyyəti qurumlardan məsələyə müdaxilə edərək Akkuşa çayına suyun fasiləsiz verilməsini təmin etmələrini xahiş edirlər.
