Masallı rayonunun Xanalion kəndində yol infrastrukturunun yararsız vəziyyətdə olması ilə bağlı Cenublu.az-a şikayətlər daxil olub.
Kənd sakinlərinin sözlərinə görə, uzun müddətdir təmir olunmayan yol hərəkəti çətinləşdirir və bəzi hallarda nəqliyyat vasitələrinin, o cümlədən taksilərin kəndə daxil olmasına mane olur. Onlar bildirirlər ki, vəziyyət çıxılmaz həddə çatdığı üçün yoldakı çuxurları öz imkanları hesabına dolduraraq hərəkəti təmin etməyə çalışırlar, əks halda isə kəndə avtomobillər gələ bilmir.
Şikayətçilər aidiyyəti qurumlardan məsələyə müdaxilə edilməsini və yolun əsaslı şəkildə təmir olunmasını tələb edirlər.
