Masallıda Rayon Polis Şöbəsinin Dövlət Yol Polisi qabaqlayıcı tədbirlər həyata keçirib.
Cenublu.az Daxili İşlər Nazirliyinin Mətbuat Xidmətinə (DİN) istinadən xəbər verir ki, həyata keçirilən tədbirlərin istiqaməti avtomobillərdən atmosferə atılan zərərli tullantıların ətraf mühitə və insan sağlamlığına vurduğu zərərin qarşısını almaq olub.
Masallı Rayon Polis Şöbəsinin Dövlət Yol Polisi Bölməsinin əməkdaşları tərəfindən saxlanılan avtomobillər xüsusi cihaz vasitəsilə yoxlanılıb. Sürüclərin diqqətinə çatdırılıb ki, ixrac qazlarının tərkibinin normalara uyğunlaşdırılması təmin edildikdən sonra istismarına yol verilməlidir.
Profilaktik tədbirlər zamanı yol polisi əməkdaşları tərəfindən həmçinin, nəqliyyat vasitəsini sürücülük vəsiqəsi olmadan idarə edən, sərnişindaşıma və yükdaşıma qaydalarını pozan, avtomobillərə konstruksiya dəyişiklikləri edən və digər inzibati xətaya yol verən sürücülər aşkarlanaraq barələrində protokollar tərtib edilib.
Qeyd edək ki, son bir ay ərzində Masallı rayonu ərazisində yol patrul xidməti əməkdaşları tərəfindən 1100 inzibati xəta aşkarlanaraq qanunamüvafiq tədbirlər görülüb. Həmin sürücülərdən 19-u nəqliyyat vasitəsini spirtli içki və ya narkotik vasitənin təsiri altında idarə edənlər olub.
