Masallıda narkotik vasitənin təsiri altında avtomobil idarə edən sürücü məsuliyyətə cəlb edilib. Bu haqda məlumat Daxili İşlər Nazirliyindən bu gün, 29 noyabr tarixində Cenublu.az-a verilib.
Baş Dövlət Yol Polisi İdarəsinin əməkdaşları tərəfindən Masallı rayonu ərazisində yerləşən postda “Opel” markalı avtomobil saxlanılıb.
Polis əməkdaşları tərəfindən sürücü, Sumqayıt şəhər sakini Azər Əhmədzadənin narkotik vasitə qəbul etməsi müəyyən edildiyindən barəsində İnzibati Xətalar Məcəlləsinin 333.2-ci maddəsi ilə protokol tərtib edilib.
Masallı rayon məhkəməsinin qərarı ilə A.Əhmədzadə 2 il müddətinə sürücülük hüququndan məhrum edilməklə 10 gün müddətinə inzibati qaydada həbs olunub.
