Masallıda yol-nəqliyyat hadisəsi baş verib. Bu haqda məlumatı Cenublu.az bu gün, 10 noyabr tarixində Report.az-a istinadən verir.
Hadisə Ələt-Astara magistralının Masallı rayonu ərazisindən keçən hissəsində qeydə alınıb. Fuad Həsrətovun idarə etdiyi "Ford" markalı yük maşını hərəkətdə olarkən idarəetməni itirib və mişardaşı ilə dolu "KamAZ" markalı yük avtomobilinə çarpılıb. Nəticədə “Ford” markalı avtomobilin sürücüsü və bir sərnişini ağır dərəcəli bədən xəsarətləri alıblar.
Yaralılar rayon xəstəxanasına çatdırılıblar.
Faktla bağlı araşdırma aparılır.
