Masallı şəhərində 28 küçəyə asfalt döşənəcək. Bu haqda məlumatı Cenublu.az bu gün, 20 iyul tarixində Masallı rayon İcra Hakimiyyətinə istinadən verir.
Söhbət şəhərin Nizami, Anar Novruzov (Kosakül), Koroğlu (İsgəndərli), Mehdi Hüseyn (Dadva), Ə.Topçubaşov (Dadva), Həsən Əliyev, M.F. Axundov, Xurşidbanu Natəvan, Cavadxan, C.Məmmədquluzadə, Ş.Mustafayev, M.Maqomayev, Rəsul Rza, Ə.Hüseynzadə, Mir Cəlal Paşayev, S.Mehmandarov, Niyaməddin Sultanzadə, Zöhrab Adıgözəlov, Mirzə İbrahimov, Yusif Vəzir Çəmənzəminli, Abbasqulu Ağa Bakıxanov, Həsən bəy Zərdabi, Dadva döngəsi 1 və 2, S.Məmmədov döngəsi 1 və 2, Vüsal Hadıyev, Cəfər Cabbarlı döngəsi 1 küçələrindən gedir.
Artıq bu istiqamətdə işlərə start verilib. Adıçəkilən küçələrdə yollar kol-kosdan, zibildən təmizlənir.
Qeyd edək ki, pandemiya dövrünün çətinliklərinə baxmayaraq, Masallı şəhərində 42 küçəyə asfalt döşənib.
