Masallıda yay turizmi ilə əlaqədar DYP əməkdaşları təhlükəsizlik məqsədilə nəzarət tədbirlərini gücləndiriblər. Bu haqda bu gün, 9 iyul tarixində Cenublu.az ARB Cənub-a istinadən xəbər verir.
Turistlərin cənubun şəfalı və gözəl rayonlarından biri olan Masallıya axını ilə əlaqədar olaraq reydlər keçirilir. Nəzarət tədbirlərinin keçirilməsində əsas məqsəd yollarda baş verə biləcək qəzaların qarşısını almaq və nəqliyyat vasitələrinin təhlükəsiz hərəkətini təmin etməkdir.
Reyd zamanı sürücülük hüququ olmadan sükan arxasına keçən, avtomobilin texniki baxışdan keçirilməsini təmin etməyən və digər qayda pozuntularına yol verən sürücülər aşkarlanıb.
Qayda pozuntularına yol verənlərin hər birinə qanunvericiliyin tələbləri izah edilib və barələrində qanuna müvafiq qaydada tədbirlər görülüb.
