Masallı şəhəri, Azərbaycan prospekti ünvanında yerləşən qeyri-yaşayış sahəsinin qarşısından keçən yeraltı qaz xəttinin yerinin dəyişdirilməsi ilə əlaqədar olaraq qaz təchizatında müvəqqəti fasilə yaranacaq.
Cenublu.az xəbər verir ki, 18 dekabr tarixində saat 10:00-dan etibarən işlər başa çatanadək Digah və Seybətin kəndləri, eləcə də Masallı şəhərinin bir hissəsi daxil olmaqla, ümumilikdə təxminən 3200 abonentin qaz təchizatının dayandırılması planlaşdırılır.
Qaz təchizatı işlər yekunlaşdıqdan sonra bərpa ediləcək. Abonentlərdən bu müddətdə təhlükəsizlik qaydalarına riayət etmələri xahiş olunur.
