Bu gün, 25 oktyabr tarixində Masallı və Cəlilabadda qazın verilişində fasilələr yaranacaq. Bu haqda məlumatı Cenublu.az Lənkəran Regional Qaz İstismarı İdarəsinə istinadən verir.
Belə ki, Masallı şəhəri Dadva küçəsində payız-qış tədbirlər planına əsasən, tənzimləyicinin quraşdırılması üçün Masallı şəhəri, Musaküçə, Öncəqala, Hüseynhacılı, Gəyəçöl, Xıl, Sərçuvar, Sirəbil, Təzəkənd kəndlərinin ümumilikdə 5800 abonentinin qaz təchizatının saat 10:00-dan işlər yekunlaşana qədər və həmçinin Cəlilabad XS-in ərazisində Cəlilabad şəhəri Azərbaycan, M.Hüseyn, H.Əliyev, Babək, Şəhriyar küçələrinə çəkilmiş yeraltı, orta təzyiqli, diametri 225 mm-lik qaz kəmərinin mövcud sistemə qoşulması ilə əlaqədar saat 09:00-dan işlər yekunlaşanadək 1250 abonentin qaz təchizatının dayandırılması planlaşdırılıb.
Vətəndaşlardan qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.
