Masallı və Cəlilabad rayonlarında bir sıra ərazilərdə qaz təchizatı müvəqqəti olaraq dayandırılacaq.
Cenublu.az xəbər verir ki, Masallı rayonunun Əhmədli kəndində yerləşən tam orta məktəbin təbii qazla təmin edilməsi üçün çəkilmiş yeni qaz xəttinin mövcud polietilen xəttə birləşdirilməsi nəzərdə tutulur. Bu səbəbdən 26 noyabr tarixində 10:00-dan işlər başa çatana qədər Təklə, Ləngan, Stansiya Masallı, Xoşçobanlı və Sığıncaq kəndləri üzrə ümumilikdə 1800 abonentin qaz təchizatı dayandırılacaq.
Bundan əlavə, Cəlilabad şəhərinin Azərbaycan küçəsində yerləşən qeyri-yaşayış sahəsinin qazlaşdırılması məqsədilə çəkilmiş yeni qaz xəttinin mövcud şəbəkəyə birləşdirilməsi planlaşdırılır. İşlərlə əlaqədar H. Əliyev prospekti, Azərbaycan küçəsinin bir hissəsi, Azərtürk, Cavadxan, Şəhriyar, N. Nərimanov, Q. İsmayılov, 8 Mart, M. F. Axundov, M. Ə. Sabir, Babək, Ş. Qurbanov, H. Məmmədov, Nizami, 28 May, Təbriz, Xətai, Füzuli, V. Niftullayev, D. Qorqud, V. Mürsəlov və S. Vurğun küçələri də daxil olmaqla ümumilikdə 3200 abonentin qaz verilişi həmin gün saat 10:00-dan işlər yekunlaşana qədər dayandırılacaq.
