Masallıda narkotik vasitənin təsiri altında avtomobil idarə edən şəxs saxlanılıb. Bu haqda məlumatı Cenublu.az bu gün, 30 iyul tarixində Avtosfer.az-a istinadən verir.
Belə ki, Masallı rayonu ərazisində Zəngilan rayon sakini Rauf Hüseynovun idarə etdiyi “Toyota” markalı avtomobil saxlanılıb. Polis əməkdaşları tərəfindən sürücünün narkotik vasitə qəbul etdiyi müəyyən edilib.
Onun barəsində İnzibati Xətalar Məcəlləsinin 334.1-ci maddəsi ilə protokol tərtib olunub.
Masallı rayon məhkəməsinin qərarı ilə o, inzibati qaydada həbs edilib.
