Masallı Tarix-Diyarşünaslıq Muzeyində 22 iyul - Milli Mətbuat Günü və “Yeni Həyat“ qəzetinin 90 illik yubileyi münasibətilə “Sözün gerçəyi daşdan keçər” mövzusunda tədbir keçirilib. Bu haqda məlumatı Cenublu.az bu gün, 22 iyul tarixində Masallı Regional Mədəniyyət İdarəsinə istinadən verir.
Tədbirdə çıxış edənlər mətbuatın inkişafına göstərilən dövlət qayğısından və Azərbaycanı dünyada söz, insan hüquqlarına hörmət edən ölkə kimi tanınmasında mətbuatın rolundan danışıblar. Daha sonra mətbuat işçiləri peşənin çətin, maraqlı və onları özündə yaşadan xatirələrini tədbir iştirakçıları ilə bölüşüblər.
Yekunda “Yeni Həyat” qəzetinin kollektivi muzey tərəfindən “Fəxri Fərman"la təltif olunub və iştirakçılar muzeyin ekspozisiya zalında təşkil olunmuş adıçəkilən qəzetinin 90 illik fəaliyyətini özündə əks etdirən sərgiyə baxış keçiriblər.
