Lerikdə baş verən bədbəxt hadisə nəticəsində sürücünün bacısı həyatını itirib.
Cenublu.az xəbər verir ki, hadisə ötən gecə axşam saatlarında baş verib. Belə ki, Lerik rayonunun Tikaband kənd sakini Akif Ağacanov idarə etdiyi “Niva” markalı nəqliyyat vasitəsini Dico kəndində yol kənarında saxlayıb və özü avtomobildən düşüb. Bu zaman minik maşını qəfildən hərəkət edərək dərəyə aşıb. Qəza nəticəsində avtomobildə sərnişin qismində olan sürücünün bacısı, 1973-cü il təvəllüdlü Yeganə Ağacanova hadisə yerində ölüb.
Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.
Faktla bağlı araşdırma aparılır.
