Lerikdə yol-nəqliyyat hadisəsi baş verib.
Cenublu.az xəbər verir ki, hadisə Piran-Hamarat yolunda, Qışlaq kəndi ərazisində baş verib. Lerik rayon sakini, 59 yaşlı Mehman Höccətov idarə etdiyi "Ford Transit" markalı avtomobillə hərəkətdə olarkən, idarəetməni itirib. Nəqliyyat vasitəsi dərəyə aşıb, sürücü yarı yolda avtomobildən çölə düşüb. Qəza nəticəsində müxtəlif dərəcəli bədən xəsarətləri alan M.Höccətov Lənkəran Rayon Mərkəzi Xəstəxanasının təcili yardım şöbəsinə çatdırılıb.
Həkimlər onun vəziyyətini ağır qiymətləndirir.
Faktla bağlı araşdırma aparılır.
