Lənkəran şəhəri Kələntərlilər küçəsinin sakinləri mövcud yol şəraitindən narazıdırlar.
Redaksiyamıza daxil olan şikayətə görə, ərazidə hərəkət həm piyadalar, həm də sürücülər üçün ciddi çətinlik yaradır.
Bildirilib ki, küçədə bərələr yararsız vəziyyətdədir və səki mövcud deyil. Avtomobillər, xüsusilə də avtobuslar dar məkanda sıx hərəkət etdiyindən piyadalar üçün təhlükəli şərait yaranır.
Sakinlər aidiyyəti qurumlardan Kələntərlilər küçəsində yol infrastrukturunun yaxşılaşdırılmasını və piyadaların təhlükəsizliyinin təmin olunmasını xahiş edirlər.
