Lənkəran şəhərinin Nəsimi küçəsində yerləşən, fəaliyyəti dayandırılmış köhnə yanacaqdoldurma məntəqəsinin ərazisi yenidən məişət tullantıları ilə dolub.
Sakinlərin müraciətindən sonra Cenublu.az ərazidəki antisanitar vəziyyəti işıqlandırmış, reportajın ardından aidiyyəti qurumlar ərazini tullantılardan təmizləmişdi. Lakin görülən işlər uzunmüddətli nəticə verməyib.
Vətəndaşların sözlərinə görə, əsasən gecə saatlarında avtomobillərlə gətirilən məişət tullantıları yenidən həmin əraziyə atılır. Nəticədə ərazi zibil poliqonunu xatırladır, yay aylarında isə yayılan üfunət ətrafda yaşayanların həyatını çətinləşdirir.
Şikayətçilər aidiyyəti qurumlardan qanunsuz tullantı atan şəxslərin müəyyən edilərək cəzalandırılmasını və problemin köklü şəkildə həll olunmasını tələb edirlər.
