Lənkəran rayonunun Yuxarı Nüvədi kəndinin yolları keçilməz vəziyyətdədir. Bu haqda məlumatı Cenublu.az bu gün, 10 oktyabr tarixində verir.
Sakinlər bildirirlər ki, yollarda əmələ gələn çuxurlar səbəbindən avtomobilləri dağılır, marşrut avtobusları isə, ümumiyyətlə, bura gəlmir:
“Səhər işə, məktəbə getməkdə min əziyyət çəkirik. İctimai nəqliyyat bu yollarda işləmədiyindən çirk-palçıq içində ünvana çatırıq. Xahiş edirik aidiyyəti qurumlardan, yollarımızı təmir etsinlər”, – deyə sakinlər qeyd ediblər.
