Lənkəran rayonunun Sütəmurdov kəndi ərazisində piyada zolağı silinib, piyada keçidi nişanı isə yoxdur. Bu haqda məlumatı Cenublu.az bu gün, 28 sentyabr tarixində verir.
Belə ki, sakinlərin sözlərinə görə, Heydər Əliyev prospektində yerləşən yolda daim təhlükəli vəziyyət yaşanır:
“Piyada keçidi nişanının olmaması və piyada zolağının silinməsi səbəbindən sürücülər bəzən piyadalara yol vermirlər. Yaxınlıqda dayanacağın olmasını nəzərə alaraq, aidiyyəti qurumlardan xahiş edirik ki, məsələni həll etsinlər”, - deyə sakinlər bildiriblər.
