Lənkəran şəhərində 3 avtomobilin iştirakı ilə yol-nəqliyyat hadisəsi baş verib.
Cenublu.az xəbər verir ki, qəza Lənkəran-Boradigah-Masallı magistralının şəhərin “Ləvəngi” dairəsi ərazisində qeydə alınıb. Hərəkətdə olan “Niva” markalı avtomobilə arxadan “Chevrolet Cruze” çırpılıb. Ardınca “Mitsubishi” markalı maşın da “Chevrolet Cruze” ilə toqquşub.
Qəza nəticəsində xəsarət alan olmasa da, yolda hərəkət çətinləşib. Əraziyə DYP və PPX əməkdaşları cəlb olunub. Nəticədə yolda qalan avtomobillər ərazidən çıxarılıb və nəqliyyatın hərəkəti tam bərpa edilib.
Faktla bağlı araşdırma aparılır.
View this post on Instagram
