Ələt–Astara–İran İslam Respublikası dövlət sərhədi (M3) avtomobil yolu üzərində yerləşən iki körpünün yenidən qurulması çərçivəsində növbəti mühüm mərhələyə start verilir. Yolun 197-ci kilometrində, Girdəni çayı üzərində inşa ediləcək yeni körpünün tikintisi ilə əlaqədar qaz təchizatında müvəqqəti məhdudiyyətlər tətbiq ediləcək.
Cenublu.az xəbər verir ki, təmir-tikinti işləri ilə bağlı olaraq, 20 oktyabr tarixində saat 10:00-dan etibarən işlər başa çatana qədər Lənkəran rayonu ərazisində yerləşən Göyşaban və Ürgə kəndləri, həmçinin Liman qəsəbəsinin Xutor adlanan hissəsində ümumilikdə 1550 abonentin qaz təchizatı dayandırılacaq.
