Lənkəranın göz muncuğu olan xəndək problemi bitmək bilmir ki, bilmir. Bu haqda bu gün, 29 noyabr tarixində Cenublu.az xəbər verir.
Bir çox küçələrdə yağıntıdan sonra yolların su ilə dolması müşahidə olunsa da, şəhərin Zərifə Əliyeva və Tofiq İsmayılov küçələrində bu problem sakinlərə daha artıq narahatlıq yaradır. Yağıntılı keçən günlərdə xəndək suları yola daşır və ya yağıntılar, ümumiyyətlə, xəndəklə axıb getmir.
Qeyd edək ki, görüntüdə əks olunan Zərifə Əliyeva küçəsində yerləşən əraziyə yaxın LDU-nun 2 tədris korpusu, cənub hazırlıq mərkəzinin 2-ci qızlar korpusu və vergilər idarəsinin regional mərkəzi yerləşir. Bu da o deməkdir ki, iş günlərində buradan keçən əhalinin sayı çoxdur. Piyadalar suyun yola dolması səbəbindən çətinlik çəkirlər. Avtomobillər ərazidən keçdiyi zaman yoldakı su piyadaların üstünə sıçrayır.
