21.12.2024-cü il tarixində saat 20:10 radələrində Lənkəran rayonu ərazisində baş vermiş yol-nəqliyyat hadisəsi nəticəsində 2 nəfər (1-i qadın cinsli, 1-i kişi cinsli) bədənin müxtəlif dərəcəli travmaları diaqnozu ilə Lənkəran Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.
Zərərçəkənlərə zəruri tibbi yardım göstərilib. Vəziyyətlərinə uyğun olaraq müalicələri təcili yardım şöbəsində davam etdirilir.
***22:05
Lənkəranda yol-nəqliyyat hadisəsi baş verib.
Cenublu.az xəbər verir ki, hadisə Lənkəran-Lerik magistralında, rayonun Kərgəlan kəndi ərazisində qeydə alınıb. Hərəkətdə olan "Lada Priora" markalı nəqliyyat vasitəsi, "KİA Optima" markalı nəqliyyat vasitəsi ilə toqquşub.
Qəza nəticəsində iki nəfər, 28 yaşlı Xaliq İsmayılzadə (arterial hipertanziya, döş qəfəsinin küt travması) və 53 yaşlıYeganə İsmayılova (burunun sınığı, döş qəfəsinin küt travması) xəsarət alaraq Lənkəran Rayon Mərkəzi Xəstəxanasına hospitalizasiya olunublar. Yaralılara zəruri ilkin tibbi xidmətlər göstərilib və müalicələri xəstəxanada davam etdirilir.
Faktla bağlı araşdırma aparılır.
