Lənkəranda baş verən yol nəqliyyat hadisəsilə bağlı təfərrüatlar məlum olub.
Şahidlərin Cenublu.az-a verdiyi məlumata görə, qəzaya səbəb “VAZ-21015” markalı nəqliyyat vasitəsinin qarşısına digər avtomobilin çıxması və sürücünün məcburiyyət qarşısında əks yola keçməsi olub. Bu zaman qəza qaçılmaz olub.
Faktla bağlı araşdırma davam etdirilir.
***
Lənkəranda baş verən qəzada xəsarət alanların kimliyi məlum olub.
Cenublu.az-ın verdiyi məlumata görə, Lənkəran rayonunun Şıxakəran kənd sakini 1990-cı il təvəllüdlü Asif Hüseynovun idarə etdiyi "VAZ-21015" markalı minik avtomobili ilə Lənkəran rayonunun Şağlaküçə kənd sakini 1968-ci il təvəllüdlü Fətəli Ömərovun idarə etdiyi "QAZ-3110" markalı minik avtomobili toqquşub.
Qəzada hər iki sürücü və "QAZ-3110" markalı avtomobildə sərnişin qismində olan Şağlaküçə kənd sakini 1968-ci il təvəllüdlü Şölə Əliyeva müxtəlif dərəcəli bədən xəsarətləri alıblar. Hazırda xəsarət alanların müalicələri xəstəxananın müvafiq şöbələrində davam etdirilir.
Qəzada hər iki sürücü və “QAZ-3110” markalı avtomobildə sərnişin qismində olan Şağlaküçə kənd sakini 1968-ci il təvəllüdlü Şölə Əliyeva qapalı kəllə beyin travması, bədənin çoxsaylı əzilmiş didilmiş yarası, döş qəfəsinin travması, burnun əzilmiş didilmiş yarası diaqnozu ilə Lənkəran Rayon Mərkəzi Xəstəxanasının təcili yardım şöbəsinə hospitalizasiya olunublar. İlkin tibbi yardım göstərilən yaralılardan birinin müalicəsi reanimasiya şöbəsində, digər xəsarət alanın müalicəsi cərrahiyyə şöbəsində davam etdirilir. Vəziyyəti orta ağır qiymətləndirilir.
Qeyd edək ki, hadisə nəticəsində yüngül xəsarət alan qadın təcili yardım şöbəsində həkim nəzarətində saxlanılıb.
***
Lənkəranda yol nəqliyyat hadisəsi baş verib.
Cenublu.az-ın verdiyi məlumata görə, hadisə köhnə Ələt-Astara magistralının 213-cü km-də, Lənkəran rayonunun Bürcəli kəndi ərazisində qeydə alınıb. Hərəkətdə olan "VAZ-21015" markalı minik avtomobili əks istiqamətdə hərəkətdə olan "QAZ-31" markalı minik avtomobili ilə toqquşub.
Qəzada hər iki sürücü və sərnişin ağır vəziyyətdə Lənkəran rayon mərkəzi xəstəxanasının təcili yardım şöbəsinə hospitalizasiya olunublar. Yaralılara zəruri ilkin tibbi xidmətlər göstərilib.
Faktla bağlı araşdırma aparılır.
