Lənkəran şəhəri Heydər Əliyev prospektində, keçmiş rəssamlıq məktəbinin yaxınlığında piyada səkisindəki açıq lük uzun müddətdir bağlanmır.
Sakinlərin Cenublu.az-a verdiyi məlumata görə, bu ərazidən hər gün məktəbə gedən uşaqlar keçir. Lükün bu vəziyyətdəolması xüsusən azyaşlılar üçün ciddi risk yaradır.
“Uşaqlar bəzən diqqətsiz olur, ora düşsələr, buna kim cavabdeh olacaq? Axşamlar da küçə qaranlıq olur, vəziyyət daha da pisləşir,” - deyə sakinlər bildiriblər.
Onlar aidiyyəti qurumlardan problemin qısa zamanda aradan qaldırılmasını xahiş edirlər.
