Lənkəran şəhərində piyadanın ölümü ilə nəticələnən qəza olub. Bu haqda məlumatı Cenublu.az bu gün, 30 sentyabr tarixində Report-a istinadən verir.
Bədbəxt hadisə Zərifə Əliyeva küçəsində baş verib. Şəhər sakini Sakin Məmmədzadə idarə etdiyi "Mercedes" markalı avtomobillə 76 yaşlı İslahat Quliyevi vurub.
Xəsarət alan təcili tibbi yardım avtomobili ilə Lənkəran Rayon Mərkəzi Xəstəxanasına çatdırılıb. O, ilkin tibbi yardımdan sonra reanimasiya şöbəsinə yerləşdirilib, lakin onun həyatını xilas etmək mümkün olmayıb.
Meyit məhkəmə-tibbi ekspertizasına təhvil verilib. Faktla bağlı araşdırma aparılır.
