Lənkəranda qaz xəttinin quraşdırılması və sınağı məqsədilə qaz təchizatı dayandırılacaq. Bu haqda bu gün, 16 sentyabr tarixində Cenublu.az Lənkəran Regional Qaz İstismarı İdarəsinə istinadən xəbər verir.
Moğonjoba kəndində yerləşən təbii qaz tənzimləyicisindən başlayaraq Aşağı Nüvədi kəndinə qədər olan təzyiqli yeraltı qaz xəttinin təbii qazla kipliyə sınaq olunması məqsədilə, həmçinin Viyən kənd orta təzyiqli qaz xətti üzərində siyirtmənin quraşdırılması məqsədilə məhdudiyyətlər olacaq.
Görülən işlərə görə 16 sentyabr saat 10:00-dan işlər sona çatanadək 4500-ə qədər abonentin qaz təchizatı dayandırılacaq.
Qaz İstismarı İdarəsi qaz təchizatı avadanlıqlarını nəzarətdə saxlamağı və təhlükəsizlik tədbirlərinə riayət olunmasını xahiş edir.
