Lənkəran rayonu, Girdəni-Havzova kənd yolu baxımsızlıqdan yararsız hala düşüb. Bu haqda məlumatı Cenublu.az bu gün, 29 avqust tarixində Xəzər Xəbər-ə istinadən verir.
Sakinlərin sözlərinə görə, uzunluğu 8,5 km olan yol sonuncu dəfə 15 il əvvəl əsaslı təmir olunub. “Təcili yardım gələ bilmir. Uşaqlarımız dizə kimi palçıq içində dərsə gedirlər. Nə avtobus, nə taksi işləmir”, - deyə sakinlər bildiriblər.
Dəfələrlə aidiyyəti qurumlara müraciət olunsa da, problem öz həllini tapmayıb.
Məsələ ilə bağlı AAYDA-nın şöbə rəisi Anar Nəcəfli bildirib ki, kəndarası avtomobil yollarının yenidən qurulması dövlət proqramı çərçivəsində həyata keçirilir. Qeyd olunan Girdəni-Havzova-Veravul-Qarağacı avtomobil yolunun təmiri üçün pul ayrılan kimi məsələ öz müsbət həllini tapacaq.
