Lənkəran rayonu Sütəmurdov kəndinin sakinləri bu gün, 31 oktyabr tarixində yollarla bağlı Cenublu.az-a müraciət ediblər.
Belə ki, onlar öz müraciətlərində bildirirlər ki, ərazidə yaranmış dərin çuxurlar yağış suları ilə dolur və küçə iflic olur.
“Bizim küçə şəhid Qüdrət Məmmədov bulağından 10 metr aralıda, 5-ci dalanda yerləşir. Hər səhər uşaqlarımızı qucağımızda dərsə aparırıq. Böyük uşaqlar isə qaz trubasının üstündən küçənin o biri tərəfinə keçirlər. Çalalar o qədər dərindir ki, heç maşın da bura gəlmir. Ümid edirik ki, aidiyyəti qurumlar yollarımızı təmir edərlər”, - deyə sakinlər bildiriblər.
