Lənkəran şəhər Zərifə Əliyeva küçəsinin sakinləri zirzəminin çirkab sularla dolmasından narahatdılar. Bununla bağlı onlar bu gün, 30 iyul tarixində Cenublu.az-a müraciət ediblər.
Belə ki, Zərifə Əliyeva 78/16 binasının sakinləri bildiriblər ki, artıq 14 ilə yaxındır ki, bu problemlə üz-üzədilər.
“Dəfələrlə aidiyyəti qurumlara müraciət etmişik. Gəlib baxıblar. Amma nəticə yoxdur. Bu yayın istisində pis qoxudan evimizdə otura bilmirik. Xahiş edirik boruları birdəfəlik təmir etsinlər və ya yenisi ilə əvəzləsinlər ki, problem kökündən həll olunsun”, - deyə sakinləri söyləyiblər.
