Lənkəran rayon sakini narkotik təsiri altında avtomobil idarə etdiyi üçün saxlanılıb. Bu haqda məlumat Daxili İşlər Nazirliyinin Mətbuat Xidmətindən Cenublu.az-a bu gün, 3 noyabr tarixində verilib.
Belə ki, 31 oktyabr saat 13 radələrində Masallı rayonu ərazisində “Ravon” markalı avtomobil Baş Dövlət Yol Polisi İdarəsinin əməkdaşları tərəfindən saxlanılıb. Polis əməkdaşları tərəfindən sürücü Zamin Şiriyevin narkotik vasitə qəbul etməsi müəyyən edildiyindən barəsində İnzibati Xətalar Məcəlləsinin 333.1-ci maddəsi ilə protokol tərtib olunub və avtomobil müvəqqəti duracağa yerləşdirilib.
Masallı rayon məhkəməsinin qərarı ilə Z.Şiriyev 8 gün müddətinə inzibati həbs edilib.
