Lənkəranda piyadanın ölümü ilə nəticələnən yol-nəqliyyat hadisəsi baş verib. Bu haqda məlumatı Cenublu.az bu gün, 25 iyul tarixində ATV-yə istinadən verir.
Hadisə şəhərin Zərifə Əliyeva küçəsində qeydə alınıb. Yolu keçən Zöhrə Cəfərovanı “VAZ-2107” markalı avtomobil vurub. Xəsarət alan şəxs xəstəxanaya çatdırılarkən yolda keçinib. Onun meyiti müayinə üçün Məhkəmə-Tibbi Ekspertiza və Patoloji Anatomiya Birliyinin Lənkəran şöbəsinə təhvil verilib.
Qeyd edək ki, qadının əqli cəhətdən məhdudiyyətli olduğu iddia edilir.
Faktla bağlı Lənkəran şəhər Polis Şöbəsində araşdırma aparılır.
