Lənkəranda DYP əməkdaşları yeni tədris ilinin başlanması ilə əlaqədar gücləndirilmiş iş rejimində çalışırlar. Bu haqda məlumatı Cenublu.az bu gün, 20 sentyabr tarixində ARB Cenub-a istinadən verir.
Belə ki, təhsil müəssisələri, onların ətrafındakı küçə və yollar nəzarətə götürməklə xidmət həyata keçirilir. Həmçinin məktəbliləri gətirən avtomobillərin azyaşlıları düşürüb mindirilməsinə nəzarət olunur ki, sıxlıq və tıxac yaranmasın.
“Yeni tədris ilinin başlamasının və təhsil müəssisələrinin qarşısında yarana biləcək hərəkət sıxlığını nəzərə alaraq tərəfimizdən müvafiq tədbirlər görülür. Hərəkət iştirakçılarını, xüsusilə məktəblərin təhlükəsiz və rahat hərəkəti üçün lazımi işlər həyata keçirilir”- Lənkəran ŞRPŞ DYPB-nin rəisi Mirxəyal Hüseynov bildirib.
