Lənkəran şəhərində 5 yaşayış binasının əhatəsindəki məhəllədə asfalt örtüyü yoxdur. Bununla bağlı bu gün, 26 yanvar tarixində məhəllə sakinləri Cenublu.az-a müraciət ediblər.
Söhbət şəhərin Hənifə Abdullayev 2, 4, 4A, 6, 6A yaşayış binalarındakı məhəllədən gedir. Belə ki, məhəllə yolunda asfalt örtüyü tamamilə yararsız haldadır. Yağış yağdığı halda, yolda gölməçələr yaranır. Küçədən keçən zaman sakinlər məcburən suya girirlər.
"Camaat artıq öyrəşib bu hala. İllərdir ki bu küçəyə əlac qılan yoxdur. Yağış yağanda ya dizimizə kimi su ilə getməliyik, ya da palçıqla. Xahiş edirik müvafiq qurumlar bu problemi həll etsinlər", - deyə sakinlər bildirib.
Onlar qeyd edirlər ki, məsələ ilə bağlı aidiyyəti qurumlara və İcra Hakimiyyətinə müraciət ediblər, lakin məsələ hələ də öz həllini tapmayıb.
[caption id="attachment_9789" align="alignnone" width="300"]
Foto Cenublu.az[/caption]
