Lənkəran şəhərində dəmiryolu xətlərinin yanı tullantılarla dolub. Bu haqda xəbəri bu gün, 2 yanvar tarixində Cenublu.az xəbər verir.
Belə ki, şəhərin Heydər Əliyev prospektində "Lukoil" yanacaq doldurma məntəqəsinin arxası tullantılarla dolub daşır. Videogörüntülərdən də göründüyü kimi ərazidə it ölüb və qoxusu ətrafı bürüyüb.
"Ərazidən keçəndə inan ki halım dəyişir. Qoxu insanın başının gicəlləndirir", - deyə sakinlərdən biri qeyd edir.
Qeyd edək ki, şəhər ərazisində tullantı üçün qabların olmaması şəhər mərkəzində də oxşar problemlər yaradır.
