Ələt-Astara avtomobil yolunda xəsarətlərlə nəticələnən yol qəzası baş verib. Bu haqda məlumatı Cenublu.az bu gün, 9 oktyabr tarixində Report.az-a istinadən verir.
Hadisə yolun Cəlilabad rayonundan keçən hissəsində qeydə alınıb. Minik avtomobilinin yolun kənarına aşması nəticəsində 3 nəfər xəsarət alıb. Onlar Masallı rayon sakinləri – 51 yaşlı Aqşin Quliyev, 62 yaşlı Aləmzər Quliyeva və Bakı şəhər sakini, 27 yaşlı Səidə Canbolatdır.
Yaralılardan ikisinin vəziyyəti ağır qiymətləndirilir. Onlar Cəlilabad Rayon Mərkəzi Xəstəxanasına çatdırılıblar.
Faktla bağlı araşdırma aparılır.
