Digah kənd yolunda lükun qapağı olsa da, yerinə bərkidilməyib. Bu haqda bu gün, 29 avqust tarixində Cenublu.az xəbər verir.
Sözügedən ərazidə avtomobil və piyada sıxlığı müşahidə edilir. Sürücülər bildirir ki, lükün ağzının bərkidilməməsi qəzaya gətirib çıxarır. Lükə düşdükləri təqdirdə avtomobil zədə alır, yayındıqları təqdirdə isə piyadaların üstünə sürmək təhlükəsi yaranır.
Həmçinin sentyabr ayının gəlişi ilə tədris ilinin bərpa olunacağı vaxtlarda ərazidən keçən şagirdlərin sayı çox olacaq. Uşaqların diqqətsizliyi onların xəsarət almasına səbəb ola bilər.
