Lənkəran şəhərinin Heydər Əliyev prospektində yolun bir hissəsində yaranmış çala ilə bağlı tədbir görülüb və problem aradan qaldırılıb.
Cenublu.az xəbər verir ki, iki gün öncə sakinlərin müraciəti əsasında prospektdə asfalt örtüyünün dağılması ilə bağlı problem tərəfimizdən işıqlandırılmışdı. Məsələ gündəmə gətirildikdən sonra aidiyyəti qurumlar hərəkətə keçib və yolun sözügedən hissəsi təmir olunaraq bərpa edilib.
Yerli sakinlər və xüsusilə sürücülər problemin qısa müddətdə həllini tapmasına görə Cenublu.az-a və cavabdeh qurumlara təşəkkürlərini bildiriblər.
