Bu gün Masallı və Salyan rayonlarının bir sıra kəndlərində elektrik enerjisinin verilişində müvəqqəti fasilələr yaranacaq.
Cenublu.az xəbər verir ki, Masallı Elektrik Şəbəkəsinin ərazisində yerləşən 110/35/10 kV-luq "Masallı" yarımstansiyasından çıxan 10 kV-luq hava xəttində aparılacaq təmir işləri ilə əlaqədar olaraq saat 10:00-dan 12:00-dək Qızılağac, Hüseynhacılı və Viləş kəndlərində elektrik enerjisinin verilişində məhdudiyyət olacaq.
Eyni zamanda, Salyan Elektrik Şəbəkəsinin ərazisində yerləşən 35/10 kV-luq "Qaraçala" yarımstansiyasında cari təmir, sınaq və iməcilik işləri həyata keçiriləcək. Bu səbəbdən saat 10:00-dan 13:00-dək Qaraçala, Çadırlı, Bəşirbəyli, Pambıqkənd, Yolüstü, Yeni Uluxanlı, Birinci Varlı, İkinci Varlı, Peyk və Düzənlik kəndlərində elektrik enerjisinin verilişində fasilə yaranacaq.
Bildirilib ki, təmir işləri başa çatdıqdan sonra sözügedən ərazilər daha keyfiyyətli və dayanıqlı elektrik enerjisi ilə təmin olunacaq
