Cəlilabad rayonunda heyvan bazarının fəaliyyət göstərməməsi əhalinin narazılığına səbəb olub.
Cenublu.az xəbər verir ki, rayon sakinlərinin sözlərinə görə, mal-qara və digər təsərrüfat heyvanlarının alqı-satqısını həyata keçirmək üçün onlar qonşu rayonlardakı bazarlara üz tutmalı olurlar. Bu isə əlavə nəqliyyat xərcləri, vaxt itkisi və müxtəlif çətinliklər yaradır.
Sakinlər bildirirlər ki, bəzi hallarda başqa rayonlarda yerləşən bazarlarda xoşagəlməz münasibətlə qarşılaşır, müxtəlif irad və narazılıqlarla üzləşirlər. Onların fikrincə, kənd təsərrüfatının geniş inkişaf etdiyi Cəlilabad rayonunda müasir tələblərə cavab verən və daimi fəaliyyət göstərən heyvan bazarının yaradılmasına ciddi ehtiyac var.
Cəlilabadlılar aidiyyəti qurumlardan məsələyə diqqət yetirilməsini xahiş edirlər.
