Cəlilabadda yol-nəqliyyat hadisəsi baş verib.
Cenublu.az xəbər verir ki, hadisə Təklə–Bayxanlı avtomobil yolunun Mədətli kəndi ərazisində qeydə alınıb.
Rayon sakini 2008-ci il təvəllüdlü Kamran Məlikov idarə etdiyi "VAZ 2107" markalı avtomobillə hərəkətdə olarkən idarəetməni itirib və avtomobil hasara çırpılıb. Qəza nəticəsində sürücü xəsarət alıb. O, Cəlilabad Rayon Mərkəzi Xəstəxanasına aparılıb.
Cəlilabad Rayon Mərkəzi Xəstəxanasından bildirilib ki, 08.02.2026-cı il tarixində saat 17:00 radələrində yol-nəqliyyat hadisəsi səbəbilə xəsarət alan 2008-ci il təvəllüdlü şəxsə (kişi) baş və boyunun küt travması diaqnozu təyin edilib.
Pasiyentə zəruri tibbi yardımlar göstərildikdən sonra ambulator müalicə üçün evə buraxılıb.
Faktla bağlı araşdırma aparılır.
