Cənub zonasında 334 kənd qazlaşdırılmır. Bu barədə Azertag.az-a istinadən xəbər veririk.
Qışa hazırlıq məqsədilə Lənkəran, Masallı, Astara, Cəlilabad, Lerik və Yardımlı rayonlarında oduncaq tədarükü davam edir. Məqsəd kənd əhalisinin odun yanacağı ilə təmin olunmasıdır.
Meşələrin İnkişafı Xidmətinin rəsmisi Cabbar Qəribov bildirib ki, bu günədək sadalanan rayonların əhalisi 6 min 923 kubmetr həcmində oduncaqla təmin edilib. Tədarük olunan oduncağın böyük payı Astara rayonuna düşür - 1503 kubmetr.
Qeyd edək ki, odun yanacağı əldə etmək istəyənlər Regional Meşə Təsərrüfatı Mərkəzlərinə müraciət edə bilərlər.
