Cəlilabadda şəhidlərimizin əziz xatirəsini yad etmək məqsədilə rəsm sərgisi və şeir müsabiqəsi təşkil olunub. Bu haqda bu gün, 28 sentyabr tarixində Cenublu.az Cəlilabad RİH-yə istinadən xəbər verir.
“Şəhidlər ölməz, Vətən bölünməz” adlı tədbir 27 sentyabr – Anım Gününə həsr olunub.
Tədbirdə Cəlilabad Rayon İcra Hakimiyyətinin başçısı Rafiq Cəlilov, dövlət qurumlarının əməkdaşları, rayon ziyalıları və məktəb nümayəndələri iştirak ediblər.
Sərgidə rayon məktəblilərinin əl işləri nümayiş etdirilib, məktəblilər vətənpərvərlik mövzusunda şeir kompozisiyaları ilə çıxış ediblər. Əsasən, vətənpərvərlik mövzusuna həsr olunan əl işləri arasında “Dəmir Yumruq”, “Şəhidlər ölməz, Vətən bölünməz”, “Şuşa” başlıqlı rəsmlər tədbir iştirakçılarının marağına səbəb olub.
Tədbirin keçirilməsində məqsəd Vətən müharibəsində qəhrəmancasına döyüşmüş şəhidlərimizin xatirəsini ehtiramla yad etmək və hərbi-vətənpərvərlik ruhunu təbliğ etməkdən ibarət olub.
